Buy Gold
Sell Gold
Daily Savings
Round-Off
Digital Gold
Instant Loan
Credit Score
Nek Jewellery
.svg)
ആദ്യമായി നിക്ഷേപം നടത്തുന്നയാളെന്ന നിലയില്‍ കൂട്ടുപലിശയെ കരുത്തുറ്റ ആയുധമാക്കി നിങ്ങളുടെ പണം പരമാവധിയാക്കുന്നതിനുള്ള മികച്ച മാര്‍ഗങ്ങള്‍ അറിയുക.
പണം എല്ലാമല്ല, എന്നാല്‍ എല്ലാത്തിനും പണം വേണം!
എന്തുകൊണ്ടാണ് ഈ പഴഞ്ചൊല്ല് എല്ലാക്കാലത്തും പ്രസക്തമെന്ന് നമുക്കെല്ലാവര്‍ക്കും അറിയാം. സാധനങ്ങള്‍ വാങ്ങാനായാലും ഭാവിക്ക് വേണ്ടി കരുതി വയ്ക്കാനായാലും ജീവിതത്തിലെ ചില സാമ്പത്തിക ലക്ഷ്യങ്ങള്‍ നേടുന്നതിനായി നിക്ഷേപിക്കുന്നതിനായാലും പണത്തിന് നമ്മുടെ ജീവിതത്തില്‍ വലിയ മൂല്യമുണ്ട്.
അതേ സമയം, നമുക്കെല്ലാവര്‍ക്കും നിക്ഷേപത്തിന്റെ പ്രാധാന്യം അറിയാമെങ്കിലും പലര്‍ക്കും ഈ ശീലം തുടരാന്‍ ബുദ്ധിമുട്ടോ എവിടെ തുടങ്ങണമെന്ന അറിവില്ലായ്മയോ ഉണ്ട്.
ഭൂരിഭാഗം പേരെയും പോലെ അധികം ആശയക്കുഴപ്പങ്ങളില്ലാതെ നിക്ഷേപം നടത്താനുള്ള വഴി നോക്കുന്നയാളാണ് നിങ്ങളെങ്കില്‍ ഈ 52 ആഴ്ച മണി ചലഞ്ച് നിങ്ങള്‍ക്ക് വേണ്ടിയുള്ളതാണ്.
ഈ ചലഞ്ചിന്റെ അവസാനം ഇനിപ്പറയുന്ന രണ്ട് കാര്യങ്ങള്‍ നിങ്ങള്‍ക്ക് അനുഭവിക്കാന്‍ കഴിയും:
● 2023 ജനുവരി അവസാനത്തോടെ അടുത്ത ഒരു വര്‍ഷത്തേക്ക് കൂടി നിക്ഷേപം തുടരാന്‍ പ്രേരിപ്പിക്കുന്ന മികച്ചൊരു തുക നിങ്ങളുടെ കൈയിലുണ്ടായേക്കാം. അല്ലാത്തപക്ഷം
● ഈ ഫിനാൻഷ്യൽ ടിപ്പ് ജീവിതത്തിൽ പ്രാവർത്തികമാക്കാൻ നിങ്ങളെ സഹായിക്കുന്ന ആരോഗ്യകരമായ പ്രതിദിന നിക്ഷേപം എന്ന ശീലം മനസ്സിലുറപ്പിക്കുക
പ്രതിദിനം 2 രൂപ നിക്ഷേപം നടത്തുകയെന്നതാണ് ഇത് ആരംഭിക്കുന്നതിന് നിങ്ങള്‍ ചെയ്യേണ്ട ഏക കാര്യം. നിങ്ങള്‍ എന്താണ് ചിന്തിക്കുന്നതെന്ന് ഞങ്ങള്‍ക്കറിയാം. നിക്ഷേപം എന്നത് അത്രക്ക് ബുദ്ധിമുട്ടേറിയ കാര്യമായിരുന്നില്ല എന്നല്ലേ? അത്തരം ചിന്തകള്‍ ഇല്ലാതാക്കിക്കൊണ്ട് പറയട്ടെ, നിക്ഷേപം എന്നത് വളരെ നിസാരമായ ഒരു കാര്യമാണ്!
ആദ്യ ദിവസം 2 രൂപ. രണ്ടാം ദിവസം 4 രൂപ എന്നിങ്ങനെ ആരംഭിക്കുക. ഇങ്ങനെ 365 ദിവസങ്ങള്‍ പിന്നിടുമ്പോള്‍ നിങ്ങളുടെ സമ്പാദ്യം 1,32,860 രൂപ ആയേക്കാം. ഇത് അടുത്ത വര്‍ഷം കൂടുതല്‍ ആവേശത്തോടെ സമ്പാദിക്കുന്നതിന് നിങ്ങളെ പ്രേരിപ്പിക്കും!
പ്രതിമാസം 50,000 രൂപയോ അതിലധികമോ ശമ്പളം വാങ്ങുന്നവര്‍ക്കാണ് ഈ രീതി ഏറ്റവും അനുയോജ്യമാകുക. എന്നാല്‍ നിങ്ങളുടെ സൗകര്യം അനുസരിച്ച് ലക്ഷ്യം ക്രമീകരിക്കാം എന്നതാണ് ഈ രീതിയുടെ ഏറ്റവും വലിയ സാധ്യത.
ശരിയായ ഓപ്ഷന്‍ ഉപയോഗിച്ച് പ്രതിദിന നിക്ഷേപം ആരംഭിച്ച് പണം ഗുണിതങ്ങളായി വര്‍ദ്ധിപ്പിക്കുന്നതിനുള്ള ഏറ്റവും മികച്ച മാര്‍ഗങ്ങളിലൊന്നായി ഞങ്ങള്‍ ഇതിനെ കാണുന്നു. ഇതിനെക്കുറിച്ച് മനസിലായിക്കഴിഞ്ഞാൽ, 2022 അവസാനം ഇതില്‍ നിക്ഷേപിച്ച് നേട്ടം കൊയ്യാനുള്ള അവസരം നിങ്ങളെക്കാത്തിരിക്കുന്നു.
നിങ്ങള്‍ക്കിപ്പോള്‍ സമ്പാദ്യം കെട്ടിപ്പടുക്കുന്നതിന്റെ രഹസ്യം അറിയാം. അത് വര്‍ദ്ധിപ്പിക്കുന്നതിന് കൂട്ടുപലിശയുടെ സാധ്യതകള്‍ സമര്‍ത്ഥമായി ഉപയോഗിക്കുന്നത് എങ്ങനെയെന്ന് ഇനിപ്പറയാം!
എന്താണ് കൂട്ടുപലിശ?
'ലോകത്തെ എട്ടാമത്തെ അത്ഭുതം' എന്നും വിളിക്കപ്പെട്ടിട്ടുള്ള കൂട്ടുപലിശ നിങ്ങള്‍ സ്ഥിരമായി ബാങ്കിലേക്ക് നിക്ഷേപിക്കുന്നതനുസരിച്ച് പണം ഗുണിതങ്ങളാക്കുന്നതിന് സഹായിക്കുന്നു.
തുടക്കത്തില്‍ നിക്ഷേപിക്കുന്ന മുതലിലും കാലക്രമേണ ലഭിക്കുന്ന പലിശയിലും മുന്‍കൂട്ടി സൂചിപ്പിച്ചിരിക്കുന്നതിനാല്‍ നിക്ഷേപത്തില്‍ നിന്ന് ലഭിക്കുന്ന പലിശയെ കൂട്ടുപലിശ എന്ന് വിളിക്കുന്നു.
ദിവസ, മാസ, വാര്‍ഷിക അടിസ്ഥാനത്തില്‍ കൂട്ടുപലിശ കണക്കാക്കാം.
കൂട്ടുപലിശയെക്കുറിച്ച് അറിയേണ്ടതിന്റെ പ്രാധാന്യമെന്ത്?
കോമ്പൗണ്ടിംഗ് കാലാവധി വര്‍ദ്ധിക്കുന്നതിനൊപ്പം കൂട്ടു പലിശയും വര്‍ധിക്കും. ഇതിനെ മല മുകളില്‍ നിന്ന് ഒരു മഞ്ഞുഗോളം താഴേക്ക് ഉരുളുന്നതായി സങ്കല്‍പ്പിക്കുക.
സാധ്യമായത്ര വേഗത്തില്‍ നിക്ഷേപം ആരംഭിച്ച് കാല ക്രമേണ അതിലേക്ക് പണം ചേര്‍ക്കുന്നത് തുടരുകയാണെങ്കില്‍ നിങ്ങളുടെ മഞ്ഞുഗോളം വലുതാകും.
മഞ്ഞ് മൂടിയ ഒരു മലഞ്ചെരുവിലൂടെ മഞ്ഞുഗോളം ഉരുട്ടുന്നതായി സങ്കല്‍പ്പിക്കുക. ഇതിലൂടെ നിങ്ങളുടെ കൈവശമുള്ള മഞ്ഞ് സൂക്ഷിക്കാനും കൂടുതല്‍ ശേഖരിക്കാനും കഴിയും.
യാത്ര അവസാനിക്കാറാകുമ്പോള്‍ തുടക്കത്തില്‍ നിങ്ങളുടെ മഞ്ഞുഗോളത്തില്‍ ഉണ്ടായിരുന്ന മഞ്ഞും പിന്നീട് ശേഖരിച്ചിട്ടുണ്ടാകാനിടയുള്ള മഞ്ഞും അതില്‍ ഉള്‍പ്പെടാനിടയുണ്ട്.
ഉദാഹരണത്തിന്, പലിശയ്ക്ക് മുകളിലുള്ള പലിശ കാലക്രമേണ വര്‍ദ്ധിച്ചുകൊണ്ടിരിക്കുന്ന ലാഭം നല്‍കാന്‍ സാധ്യതയുളളതാണ്.
അതിനാല്‍ ഇടയ്ക്കിടെ സമ്പാദിക്കുക. കൂടുതല്‍ തുക സമ്പാദിക്കുന്നത് ഉയര്‍ന്ന പലിശ ലഭിക്കുന്നതിന് സഹായിക്കും. ഈ പ്രതിഭാസത്തിന്റെ മറ്റൊരു പേരാണ് ''കൂട്ടുപലിശയുടെ അത്ഭുതം''.
ഇതിന് നിങ്ങൾക്കായി എന്ത് ചെയ്യാൻ കഴിയും?
കൂട്ടുപലിശ നിങ്ങളുടെ സാമ്പത്തിക ആസ്തികളുടെ വളര്‍ച്ച ത്വരിതപ്പെടുത്തുന്നു. നിങ്ങള്‍ ഒരു കൂട്ടുപലിശ തന്ത്രം സ്വീകരിക്കുമ്പോള്‍, ഒരു പ്രത്യേക കാലത്തേയ്ക്ക് നിങ്ങള്‍ പണത്തിന് മുകളില്‍ പലിശ നേടുന്നു.
നിങ്ങള്‍ അക്കൗണ്ടില്‍ നിക്ഷേപിക്കുന്ന തുകയ്ക്കും ഓരോ സംയുക്ത കാലയളവുകളുടെ അവസാനം ലഭിക്കുന്ന റിട്ടേണുകള്‍ക്കും ഈ പലിശ ലഭിക്കും.
എന്നിരുന്നാലും 365 ദിവസം സമ്പാദിച്ചാലും നിങ്ങളുടെ സാമ്പത്തിക ലക്ഷ്യങ്ങള്‍ നേടുന്നതിന് ആവശ്യമായ പണം സമ്പാദിക്കാനായേക്കില്ല.
വരുമാനം വര്‍ദ്ധിപ്പിക്കുന്ന കാര്യമാകുമ്പോള്‍ കൂട്ടുപലിശ മികച്ച ആയുധമാകാം. നിങ്ങളുടെ നിക്ഷേപ സാധ്യത പരമാവധിയാക്കാന്‍ കഴിയുന്നത്ര വേഗം അധിക പലിശ ലഭിക്കുന്ന അക്കൗണ്ട് തുടങ്ങുക.
ജിവിതച്ചെലവ് വര്‍ദ്ധന, പണപ്പെരുപ്പം, ക്രയശേഷി കുറയല്‍ തുടങ്ങിയവ ഈ നിക്ഷേപ തന്ത്രത്തെ പ്രതികൂലമായി ബാധിക്കാനിടയുണ്ട്.
കൂട്ടുപലിശ സാധ്യത ഉപയോഗിച്ച് പണം പരമാവധിയാക്കാന്‍ നിക്ഷേപം ആരംഭിക്കുന്നവര്‍ക്കുള്ള മികച്ച വഴികള്‍ ഏതൊക്കെയാണ്?
കൂട്ടുപലിശയുടെ പ്രയോജനം നേടുന്നതിന്, ഓരോ മാസവും മുന്‍കൂട്ടി നിശ്ചയിക്കാത്ത ഒരു തുക നിക്ഷേപിക്കുന്നതിന്റെ പ്രാധാന്യത്തെക്കുറിച്ച് നമ്മള്‍ മുമ്പ് ചര്‍ച്ച ചെയ്തിരുന്നു.
എന്നാല്‍ നിങ്ങളുടെ പണം പരമാവധിയാക്കുന്നതിന് താഴെ പറയുന്ന മറ്റ് ചില ഘടകങ്ങള്‍ കൂടി പ്രധാനമാണ്.
ചെലവഴിക്കലില്‍ കര്‍ശനമായ നിയന്ത്രണം വയ്ക്കുക
100 രൂപ നിക്ഷേപിച്ചാലും 1000 രൂപ നിക്ഷേപിച്ചാലും കൂട്ടുപലിശ സംബന്ധിച്ച് ഒരേ നിയമമാണ് ബാധകമായിട്ടുള്ളത്. അതേ സമയം വലിയൊരു തുക നിക്ഷേപിക്കുന്നത് പലിശയിനത്തില്‍ വലിയൊരു തുക നേടുന്നതിന് സഹായിക്കും.
കൂട്ടുപലിശയുടെ പ്രയോജനം ലഭിക്കുന്നതിന് നിക്ഷേപത്തിന്റെ അളവ് വര്‍ദ്ധിപ്പിക്കുക. ചെലവഴിക്കല്‍ നിയന്ത്രിക്കുക വഴി നിങ്ങള്‍ക്ക് നിക്ഷേപം വര്‍ദ്ധിപ്പിക്കാം.
ഒരു പ്രതിമാസ ബജറ്റ് സൃഷ്ടിച്ച് നിങ്ങള്‍ക്ക് പണം സ്വരൂപിക്കാന്‍ കഴിയുന്ന വിഭാഗങ്ങള്‍ കണ്ടെത്തുന്നതിലൂടെ ഇത് ചെയ്യാനാകും.
ശ്രദ്ധയോടെ ചെലവഴിച്ചാല്‍ സമ്പാദ്യവും നിക്ഷേപവും മെച്ചെപ്പെടുത്താം. ഇത് പണം സ്വരൂപിക്കാനുള്ള മികച്ചൊരു രീതിയാണ്.
എത്ര വേഗത്തില്‍ ആരംഭിക്കുന്നുവോ അത്രയും നല്ലത്
നിക്ഷേപകാര്യത്തില്‍ തുടക്കം മികച്ചതാണെങ്കില്‍ മറ്റൊന്നിനും നിങ്ങളെ തോല്‍പ്പിക്കാനാകില്ല. പണം സമ്പാദിക്കാന്‍ തുടങ്ങിയാല്‍ ഒട്ടും വൈകാതെ നിക്ഷേപം ആരംഭിക്കണം.
നിങ്ങള്‍ ഇതിനകം ആ പോയിന്റില്‍ എത്തിച്ചേര്‍ന്നെങ്കിൽ, നിക്ഷേപം നടത്താനുള്ള സമയം ഇതാണ്.
നിങ്ങളുടെ സാമ്പത്തിക ലക്ഷ്യങ്ങള്‍ നിറവേറ്റാന്‍ എളുപ്പത്തില്‍ സഹായിക്കുന്ന ഡിജിറ്റല്‍ ഗോള്‍ഡിലോ മ്യൂച്വല്‍ ഫണ്ടിലോ നിക്ഷേപം നടത്തി തുടക്കം കുറിയ്ക്കുക. കൂട്ടുപലിശയുടെ സഹായത്തോടെ ശോഭനമായ ഭാവിക്കായുള്ള ദൃഢമായ അടിത്തറ പാകാം.
നിങ്ങളുടെ സമ്പാദ്യത്തില്‍ നിന്നുള്ള റിട്ടേണിനെക്കുറിച്ച് ശരിയായ ധാരണയില്ലെങ്കില്‍ അക്കാര്യത്തില്‍ ഒരു ഇന്റര്‍നെറ്റ് കാല്‍ക്കുലേറ്റര്‍ സഹായകമാവും.
നിങ്ങളുടെ ദീര്‍ഘകാല ലക്ഷ്യങ്ങള്‍ക്കായി ഇപ്പോള്‍ സമ്പാദ്യം തുടങ്ങുന്നതിന് ആവശ്യമായ കാര്യങ്ങള്‍ കണക്കാക്കുന്ന ഓണ്‍ലൈന്‍ നിക്ഷേപ കാല്‍ക്കുലേറ്ററുകള്‍ കണ്ടെത്തുന്നത് എളുപ്പമാണ്.
സ്വയം നിയന്ത്രണം ഉണ്ടാകുക
മികച്ച ഒരു പോർട്ട്ഫോളിയോ ഉണ്ടാക്കുന്നതിനും ലക്ഷ്യമിട്ട സമയത്ത് നിങ്ങളുടെ സാമ്പത്തിക ലക്ഷ്യങ്ങള്‍ നിറവേറ്റുന്നതിനും അച്ചടക്കത്തോടെയുള്ള നിക്ഷേപം അനിവാര്യമാണ്.
നേരത്തെ തന്നെ നിക്ഷേപം നടത്താനുള്ള ശീലം വളര്‍ത്തിയെടുക്കുന്നത് അതില്‍ ഊന്നല്‍ നല്‍കുന്നതിന് സഹായിക്കും. നിങ്ങളുടെ SIP പണമടയ്ക്കല്‍ ഒഴിവായിപ്പോകരുത്.
സ്ഥിരതയോടെ ഓരോ മാസവും നിക്ഷേപം നടത്തുന്നതിലൂടെ നിങ്ങളുടെ പണവും നിക്ഷേപത്തിലെ അച്ചടക്കവും വളരും.
സാമ്പത്തികമായി വിജയം നേടുന്നതിന് ഇനിപ്പറയുന്ന ശീലം പ്രാവര്‍ത്തികമാക്കണം.
ക്ഷമ പരിശീലിക്കുക
വേഗത്തില്‍ ലാഭം കിട്ടുന്ന നിക്ഷേപം തിരയുന്ന പ്രവണത ചെറുപ്പക്കാരായ നിക്ഷേപകരില്‍ പലപ്പോഴും കാണാറുണ്ട്.
ഇത്തരത്തില്‍ വേഗം പണം സമ്പാദിക്കാനുള്ള ഓട്ടത്തിടയില്‍ അവര്‍ക്ക് അബദ്ധം സംഭവിച്ച് പണം നഷ്ടപ്പെടാറുമുണ്ട്. നമുക്കറിയാവുന്നത് പോലെ കൂട്ടുപലിശയുടെ പ്രയോജനം വര്‍ഷങ്ങള്‍ കൊണ്ട് മാത്രമാണ് ലഭിക്കുന്നത്.
ദീര്‍ഘകാല നിക്ഷേപ സ്‌കീമുകള്‍ സ്വീകരിക്കുന്നതാണ് പ്രയോജനകരം. സാവധാനത്തില്‍ നിക്ഷേപം നടത്തുന്നത് ഭാവിയില്‍ കൈനിറയെ പണം ലഭിക്കുന്നതിന് കാരണമാകും.
കൂട്ടുപലിശ വഴിയുള്ള നേട്ടങ്ങള്‍ നിങ്ങളെ ഒരു സാമ്പത്തിക വിദഗ്ദ്ധനാക്കുന്നില്ല. ഏതൊരു നിക്ഷേപകനും ഈ തത്വം വഴി നേട്ടം കൊയ്യാനും അത് നല്ല കാര്യങ്ങള്‍ക്കായി ഉപയോഗിക്കാനും കഴിയും.
മികച്ച ഭാവി ഉറപ്പാക്കുന്നതിനായി ഇപ്പോള്‍ നിക്ഷേപം ആരംഭിക്കൂ.
അച്ചടക്കത്തോടെയുള്ള സ്ഥിരമായ നിക്ഷേപത്തിലൂടെ, കൂട്ടുപലിശയും വിരമിക്കുന്ന സമയത്ത് മികച്ച നേട്ടങ്ങളും നല്‍കുന്ന ആസ്തികളില്‍ നിക്ഷേപം നടത്താന്‍ നിങ്ങള്‍ പ്രാപ്തരാകും, തീർച്ച!
Subscribe to our newsletter
Thank you! Your submission has been received!
Oops! Something went wrong while submitting the form.
Related articles
